5 مواقع عليك أن تدمنها أكثر من فيسبوك وتويتر !
ـــــــــــــــــــــــــــــــــــــــــــــــــــــــــــــــــــــــــــــ1- موقع تيد TED :
ــــــــــــــــــــــــــــتيد ، ted هي اختصار لـ Technology تكنلوجيا Entertainment “ترفيه”. Design “تصميم”. تيد عبارة عن مؤتمر او قاعة محاضرات بيجيلها الناس من مختلف انحاء العالم ، والقي فيها محاضرات ناس مبدعين زي بيل جيتس (مؤسس شركة Microsoft)، بيل كلينتون، لاري بايج (مؤسس Google) وغيرهم كتير ،، الفكرة ان ted بـ يمنحهم 18 دقيقة كحد أقصى لإلقاء أفضل محاضرة في حياتهم .. وبتكون فعلا رائعة.
اللينك ده فيه كل محاضرات الموقع مترجمة للغة العربية
TED
محاضرة يوميا هتفرق كتير :))
2- موقع Udacity او Coursera :
ــــــــــــــــــــــــــــــــــــــــــــــــواحد من اشهر مواقع الكورسات الاونلاين علي النت ، هتلاقي عليه كورسات مجانية في كل المجالات واحيانا بتاخد شهادة بعد ما تخلص الكورس ، الموقع كنز لاي حد عايز يتعلم ، الكورسات بتكون باللغة الانجليزية ، فحاول تحسن من لغتك عشان تقدر تتفاعل مع كل محتويات الكورس وحلقات النقاش
udacity
3- موقع رواق Rwaq :
ـــــــــــــــــــــــــــــــــاغلب المحتوي العلمي علي النت بيكون باللغة الانجليزية ، وده بيكون عائق امام بعض الناس اللي مستوي اللغة عندهم ضعيف . المحتوي العربي الفترة الاخيرة بدات تظهر فيه بعض المواقع المحترمة واللي مبذول فيها جهد رائع ، زي مثلا رواق
رواق هي منصة بتقدم كورسات باللغة العربية في مختلف المجالات ،الكورسات كلها مجانية والتسجيل فيها سهل جدا
rwaq
4- موقع ويكي هاو wikihow :
ـــــــــــــــــــــــــــــــــــــــــــــــ" اسأل مجرب ولا تسأل حكيم " ،،، نفسك تعمل حاجة معينة ومش عارف الطريقة ، طريقة عمل المكرونة مثلا ؟ ، التزلج علي الجليد ؟ رسم ؟ ........... الخ
" الموقع ده موسوعة عن كيفية عمل أي شيء، و لذلك جميع مقالات ويكي هاو تبدأ بـ “كيف” أو “How to"
ما يقرب من 100 الف مقال في شتي مجالات الحياة ، والفيديو لا يتعدي الـ 10 دقائق ، يعني ممكن تسمعه وانت واقف في المترو
الموقع متوفر ب 60 لغة منهم العربية
wikihow
5- موقع العلوم الحقيقية ، او الباحثون السوريون :
ــــــــــــــــــــــــــــــــــــــــــــــــــــــــــــــــــــــــــــالموقعين رائعين ، بينشروا احدث ما وصل اليه العلم من ابحاث واكتشافات ومقالات مترجمة ، بالاضافة لمقالات في اغلب مجالات الحياة ( طب - رياضيات - اقتصاد - نفس - ........ )
تابعهم وهتستفاد جدا ان شاء الله
real-sciences
syr-res
المواقع دي لو حضرتك تابعتها بشكل يومي ، مقدار العلم اللي ممكن تحصله منها يعادل العلم اللي اخدته في التعليم الحكومي ويزيد ، وكل اللي انت محتاجه :
( كمبيوتر - نت - قلم و ورقة - و حبة ارادة )
